2026/04/10
२०८२-१२-०३
काठमाडौँ — सेयर कारोबार मापक नेप्से परिसूचक १३.५१ अंकले बढेको छ । शून्य दशमलव ४८ प्रतिशतको वृद्धि समग्र नेप्से २ हजार ८ सय १२ दशमलव ३४ विन्दुमा उक्लिएको छ ।
कारोबारमा आएका मध्ये १३२ कम्पनीको सेयर मूल्य बढ्यो, ११३ कम्पनीको घट्यो भने १७ कम्पनीको मूल्य स्थिर रह्यो ।
कुल १ लाख ६ हजार १४० पटकको सेयर किनबेचमा १२ अर्ब ३ करोड रुपैयाँको सेयर कारोबार भएको छ । कुल ३ करोड ४८ लाख ५२ हजार ७६० कित्ता सेयर किनबेच भए ।
समग्र नेप्से परिसूचक बढे पनि फाइनान्स, होटल तथा पर्यटन, जीवन बिमा, लघुवित्त, निर्जीवन बिमा, अन्य र व्यापार उपसमूह घट्यो ।
रिलायन्स स्पिनिङ मिल्स र सोलु हाइड्रोपावरको सेयर मूल्य १० प्रतिशतले वृद्धि भएपछि सर्किट ब्रेक लागेको थियो ।
