सनी देओलको नयाँ फिल्मले कति कमायो ?

वैशाख ४, २०८२

काठमाडौँ — अभिनेता सनी देओलको मुख्य भूमिका रहेको फिल्म ‘जाट’ले एक सातामा भारतमा ५७ करोड रुपैयाँ कमाइ गरेको छ ।

यो फिल्म १० अप्रिलमा सिनेमा घरहरूमा रिलिज भएको थियो । सनी देओल दुई वर्षअघि फिल्म ‘गदर २’ मार्फत बलिउड जगतमा कमब्याक गरेका थिए ।

त्यसपछि भने ‘जाट’ मार्फत पर्दामा पुनः देखिएका हुन् । यो फिल्मले समीक्षात्मक हिसाबमा राम्रो प्रतिक्रिया पाइरहेको समेत छ । फिल्मले पहिलो दिन भारतीय बजारमा ९.५ करोड रुपैयाँ कमाएको थियो ।

दोस्रो दिन ७ करोड, तेस्रो दिन ९.७५ करोड, चौथो दिन १४ करोड, पाँचौं दिन ७.२५ करोड र छैटौं दिन ६ करोडको व्यापार गरेको थियो । सातौं दिन फिल्मले करिब ४ करोड रुपैयाँ कमाएको छ ।

गोपिचन्द मालिनेनीद्वारा निर्देशित फिल्ममा सनी देओलसँगै रणदीप हुड्डा, विनीतकुमार सिंह, सयामी खेर र रेजिना क्यासेन्ड्राले मुख्य भूमिका निभाएका छन् ।

यो फिल्मको सिक्वेल आउने समेत चर्चा भइरहेको छ । सिक्वेलमा पनि सनी देओल मुख्य भूमिकामा रहने चर्चा छ ।